Перейти к основному содержанию

Эвелдай лезет я жеди

Дугъриданни, и ички хъун 
Эвелдай лезет я жеди. 
Ахпа гафар -  зурба рахун 
Адак квай хесет я жеди. 

Кьиле фидай кар туш эхир, 
Къажгъанди кьаз пIинид пехир, 
Иеси кьей эрекь - чехир 
ЧIугун вич адет я жеди.

Кутаз завут кIвалин ккIа, 
ЧIугвада кеф бязи вакIа. 
Чаз течиз эрекьд путулка 
Са хейлин къимет я жеди.

«А истикан ви вилик тур», - 
Лугьун, жакьваз вечрен ятур, 
А макъамда зурба хатур, 
Са чIехи гьуьрмет я жеди.

Сиве кьурла чинни чIуруз, 
Я ам дарман жедач хуруз, 
Жуваз течиз бязибуруз 
Таквадай девлет я жеди.

Фагьумна за бязи чанар, 
КIула кьадай агъур парар. 
Дуванханадиз машинар 
Тухунни зегьмет я жеди.

Вуч хьуй тахсир цлахъжуван, 
Гьалтайла вун хьтин гьайван. 
Генани ваз ихьтин дуван 
АтIун са рагьмет я жеди.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.