3aз и кагъаз кхьей ксар,
Куьн кIвализ хквезамаз кьий!
ИкI кIелзаван куьне тарсар?
Куьн фикирар квез амаз кьий!
КицIин хва кицI, гьич са чIавуз
Кьаз кIан жемир ваз зун ужуз.
Амал бетер, серфе ажуз,
Вун акьул даяз амаз кьий!
Им ян инсанвилин суфат?
И дуьньядай хьуй куь вафат
Авун дуьз ян икI зарафат?
Куьн хъуьрез-къугъваз амаз кьий!
Фикир ая, ламран таяр,
За квез авур хийир дуьаяр:
Гьар зулуз квез атуй цIаяр,
Куьн фул кваз зурзазамаз кьий!
Чан гьаргъарда, вилер къава,
Куь дердиниз тахьуй дава.
Фагьум ая гьарда жува:
Куьн хъуьтIуьн аяз амаз кьий!
Айиб авач квезни, юлдаш,
Нефес дар хьуй, чан куь яваш.
Масдан гъиле гуз къарандаш,
Вун кхьей кагъаз амаз кьий!
Рубрика
Добавить комментарий