Кьулан вац1

Гьар гатфариз ийиз на ван, 
Юзуриз куркур, Кьулан вацI. 
Жува ая жуван дуван 
ГьикI жедатIа (а) кваз, Кьулан вацI.

Гьар са хел къвез гьар са кIамай, 
Гьикьван хьуй ви эвер - гьарай? 
Гагь расалмиш жез тамарай, 
Ийида на кур, Кьулан вацI.

Гагь басмишда вуна Къуба. 
Гагь барбатIиз Муьшкуьр, уба. 
Чидайд туш ваз диде, буба, 
Я гьуьрмет, хатур, Кьулан вацI.

Гагь лацу жез, гагь вун чIулав, 
Гагь винеллаз къведа хшлав. 
Гагь гуда на пехъи къилав 
Шуткьуниз ви тур, Кьулан вацI.

Гьар са стIал са булахдай 
Гьикьван вун чи кIула (а) кьахда? 
ХъуьтIуьн цикIиз жед вун ахта, 
Гатфариз айгъур, Кьулан вацI.

Амни инсаф жедан эхир 
Я ник тунач, я на чаз хир? 
Газардин кIам, Пипера - хуьр 
Авуна на чIур, Кьулан вацI.

Атайлахъди гзаф ятар,
Я там тадач, я вуна тар.
Бязибуру лугьудай тIвар
Я кьван вун Санбур, Кьулан вацI.

Гьич чидайд туш ваз а Араз, 
Куьрни туш хьи акьван даяз. 
СтIал шаир Сулейманаз 
Къалурмир ви зур, Кьулан вацI.

I926 - I930