Чаз герек туш

Кьамир на девлетлу къавум, 
На зун адаз гумир, буба! 
Чаз герек туш куьгьне залум, 
Вуна зи рикI кумир, буба.

Дуст я лугьуз кьуна са вак, 
Мукьвад кьамир вуна кулак. 
Къиметдихъди веледдин як 
Гана, а пул немир, буба.

Ваз минет хьуй, вун заз килиг, 
Кутамир залумдин гьилик, 
Якъин чир хьухь, ахьтин гъуьлуьк 
Ракъурдач за уьмуьр, буба.

Терг ая на куьгьне къайда, 
А гафаркай авач файда, 
Жагъид заз са кесиб гада, 
Ша вун дели жемир, буба.

Сулейман, а таран къелем 
Ийиз тамир вуна верем. 
ЦIувад йисни хьанвач бегьем 
Ви а рушан уьмуьр, буба.

I923 - I924

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.