Заз чида куьредин адет

Эвел кьиляй пара регьят 
Къалурд ваз рекьер къавумди. 
Эхир кьилин гъавурда гьат - 
Акъудда гьекьер къавумди.

Заз чида чи Куьредин деб, 
Бязибурун а кар эдеб:
Бегьем тавуртIа на метлеб, 
Лугьуда ваз «ер» къавумди.

Aзербажан, михьиз Баки, 
КIанда вавай Ширван, Шеки. 
Кьуд пут чIем, вад pипe дуьгуь, 
Гъваш лугьуд вад гьер къавумди.

Тариф ийиз вичин рушан, 
«Кутур, - лугьуз ваз, - са лишан», 
Гуьгъуьнлай акъудда ви чан. 
Твада рикIе хер къавумди.

Гьар хемисдиз кIан жеди аш. 
Киткид адан руфуник каш, 
Лугьуда ваз: мад пул хкваш. 
Ийиз тач мехъер къавумди.

Битмиш тIавуртIа на нагагь, 
Пара жед куь дяве, дезгягь. 
АтIуч вичин рушан некягь, 
Гуч хийир бегьер къавумди.

Чи Куьредин куьгьне къайда. 
Руш гунугин ихьтин савда. 
Сулейман рахач гьавайда:
Гуда ваз дердер къавумди.

I922 - I923

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.