Заз це, Руслан

Къарибда ви сурун патав
Заз са чка таз це, Руслан.
Ви пекер заз дуьз къведай тир,
Куьгьне кафан заз це, Руслан.

Чуьллер буш я, гуьл тахьайтIа,
Цуькведал билбил тахьайтIа,
МичIи сура гъил тахьайтIа,
Бубадив пел къаз це, Руслан.

Къелем хьайтIан рукар, тамар,
Кхьиз жеч зи дердер-гъамар,
Ваз авай тир цуьквед тумар,
Сура цуьквер цаз це, Руслан.

Ви дидардик гала зи вил,
Сур яргъава, агакьдач гъил,
Зун кьуьзуь я, диде зелил,
Куьгьне кафан чаз це, Руслан.

Ватанди ваз ша лагьайтIан,
Шиирар къуша лагьайтIан,
Дидед ваз хъша лагьайтIан,
Рази жемир, наз це, Руслан.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.