Куьредин цiерид хуьр

Байкъуш хьайи Хенжел - кIеле. 
Ажеб агьузар чка я.
Гьич хенек кими жеч кIвале, 
Гьамиша азар чка я.

ВацIун и пад я Мамрачар, 
Циф алай физ жеда гужар:
Гьарнихъай къвез ветIрен лужар, 
Ам гзаф мурдар чка я!

Ахлад, аку ЦIелегуьнар, 
«Тха» лугьуз жед луькIуьнар;
Чеб чпивди жеч туькIуьнар, 
Лап мердимазар чка я!

Магьмута - хуьр ала кIунтIал. 
Масдан бахьуд ли жед кIатIал. 
Гьич чи тaма тач шуьмягъ тIвал. 
Лап кефи къунбар чка я!

Адлай виниз Салиянар. 
«ЯкIв це!» - лугьун я куь гьунар. 
Гьар кIунтIалай ийиз ванар, 
Гьахьтин гирифдар чка я!

Адлай и пад я Барбарар, 
ВацIун кьилел кьуна кьарар. - 
Гьар патахъай тамни тарар... 
Халис ам вакIар чка я!

«Хазан декьей ина гьикай?» 
Лугьун - кими жеч чпикай. 
Са кас гьалтна зал Испикай, 
Ам - кьуру фурсар чка я.

Адлай и пад я ЦIарахар, 
Са пад дере, са пад чархар. 
Кьежей къуз тим жеда ярхар:
Рекьер, хуьлер дар чка я!

Сада садал иман тегъиз, 
Мумкин гуч ваз гаф куьтягьиз.
Са къуз, фена зун Гъетегъиз - 
Фитнедиз пайгар чка я!

Axпaмаз -  Агъа Хъартасар, 
Ишлемишдайбур я яцар, 
КIвалахдайбур пaпap, cycap - 
КIандай кьван бизар чка я!

Гьарнихъай къвез, кьушун - кьушун, 
Гьафтедин къуз жез алтIушун, 
Алишвериш... гунуг-къачун - 
Кьасумхуьр базар чка я!

Ахпамаз Агъа Арагъар, 
Киш физ хкахьна чирагъар, 
Чувудри ийиз гьараяр...
Ам чIакьар - пIакьар чка я!

КIватI хьана стхаяр, вахар 
Базардиз физ, гьич жеч ахвар, 
Алид - хуьрел куьз бапIахаp, 
Гьарма сад  устIар чка я!

Са кас гьалтна зал Сейидай, 
Гафунал амал тийидай. 
Абур кьуна за кьейидай - 
Гьахьтин бейхабар чка я!

Гьелбет, я жед мулкуниз дар, 
Ам заз чидач авай кьадар;
Гена пис туш а Алкьвадар - 
Илим, гьам тарсар чка я!

Курхуьруьнви рахад цавай,   
Жузадай гаф: «Вун гьинавай?» 
Кьин кьунукь я: - «Гьагь, гьадавай?»
Гьахьтин дилавар чка я! 

Ахпанмазди пуд СтIалар, 
Гьар кIвале жед цIуд аялар. 
Пис туш, дерин я хиялар. 
Гена арифдар чка я!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.