Перейти к основному содержанию

Михеннат

Гьар михеннат жуван кIвализ 
Къвез, хъфиз къадам хъсан туш. 
Нубатсуз гъейбетар кIелиз, 
ЧIypу рекье кам хьсан туш.

Акьул балугъ тир аялди,
Гьелбет, хийирдихъди ялди 
Вафасуз арха паталди 
Зерре намус, гъам хъсан туш.

Жуван винел гзаф гьарус 
Кими жеч дуьньяда даюс, 
Жуван ар-айибни намус 
Тийижир авам хъсан туш.

Фитнедив дуьнья ацIурдан, 
Вич михь ийиз, жув кьацIурдай, 
Нагьакь масдан кIвалер чIурдай - 
Гумир яб, макьам хъсан туш

А «дуст» кьий жуван арадай, 
Санал тIуьр фу гьакI квадардай. 
Жизви кардиз хкадардай 
Пара кьелечI хам хъсан туш

РикI вичин агьудив дулу, 
Стха, мирес дуст ва халу, 
Гьар намерддихъ вуна далу 
Акалмир, а лам хъсан туш.

Акурла тим я вижевай, 
Хуьз тежедай вич вичивай, 
Вуч атайтIан paхаз сивяй, 
А гьалда хуррам хъсан туш.

Вичин кар хьайила дуьзмиш, 
Масабур тежез бегенмиш, 
Пехъи кицI хьиз хьана къизмиш 
Еке фурс гвай кьам хъсан туш.

ЧIур хьай бере келледин маст, 
Фейи вахт я итимдин бахт, 
Гафар терс яз рахадай вахт, 
Заз чиз, гьа макъам хъсан туш.

Эй Сулейман, вуна серес 
Лагьана хьи гьар садаз бес. 
Масдал хаин акъудай сес, 
Заз чиз, гьа улам хъсан туш.

I937

 

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.