Перейти к основному содержанию

«Материал» кхьин хъсан туш

Эй, фекъир, дили - дивана
Ахмакь яз эркин хъсан туш. 
Иер фагьум ая вуна, 
Нубатсуз луькIуьн хъсан туш!

Вун инсан яз хьайла зирек, 
Пис кар чир хьун я ваз герек. 
Ришвет къачур пулунин экв, 
Худда тваз, куькIуьн хъсан туш!

Фикир ая жува жувак, 
Ви писвилиз амач хьи шак! 
Рахун къене мез михьи, пак, - 
РикIин къеняй кин хъсан туш!

Дуст, за ваз са кар ахъайин:
Гьич масадал жемир хаин, 
Жув жувахъ агъаз, архайин 
Xьана рикI секин хъсан туш.

Эй, кьве кIвач квай чIулав гъуьлягъ! 
Къведа лугьуз бес ви гъиляй, 
Пеше гьам яз, чарадалай 
Фитнеяр куьткуьн хъсан туш!

Аквадач мад ваз а «ахвар»,-  
Мийир вуна а дамахар. 
Эхир са къуз вилин накъвар
Яйлухдал михьун хъсан туш.

Ву(н) хьтин нече шумуд садан 
Гъиле гьатиз, фена майдан. 
Эхи(р са къуз хана гардан, 
Ахпамаз шехьун хъсан туш

Эй фекъир, вун жемир лавгъа, - 
Эхир кьил акьада чарха 
ЧIуру рекье къати юргъа 
Ийимир - йигин хъсан туш.

Фикир ая вуна, гьелбет, 
Гьар инсандихъ кIанда рябет, 
Жув батIул яз capa ришвет 
Гана, кар туькIуьн хъсан туш.

Бязи инсанрин хиялар 
Сулейманаз чида гьалар 
Гъараздивди чIуру чIалар,
«Материал» кхьин хъсан туш.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.