Перейти к основному содержанию

Ахьтинди чаз герек туш

Куьгьне рекье вич дирибаш 
Ахьтин кас гьич чаз герек туш. 
Гафар - йигин, крар - яваш, 
Ам чаз шерик яз герек туш.

Амалар - пис, гафар - умун. 
Анал ягъалмиш жемир вун. 
Кьве кIвачел къекъведай маймун, 
Ахьтин уюнбаз герек туш.

TIвap инсан яз вакIан жикьи - 
Вуч дад гуй ам галай рекьи. 
Ийиз тамир гафар яргъи, 
Чаз я адан наз герек туш.

Терг тийидай куьгьне къайда, 
Буш рахадай гьакI гьавайда, 
За фагьумна, чи арада 
Ахьтин аннамаз герек туш.

Са гаф ава за ваз къалай:
ЭлячIмир вун дуьз рекьелай:
Куьтягь адан гаф мукьвалай, 
Ам пара мукьваз герек туш.

Я ракь тийижиз, я тахта, 
Уьмуьр физ гьайван саягъда, 
Гьукуматдин цIийи багъда
Къаратикен цаз герек туш.

Душманариз гардан кIирвал, 
Гьич герек туш а факъирвал. 
Кар къулай яз затI течирвал 
Гьич Сулейманаз герек туш.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.