Хьанай кьван

Фагьумна за: куьгьне хаин - 
Сивик даим хъвер хьанай кьван.
Кесибдин рикI гьич архайин 
Тежез рикIe xep хьанай кьван.

«Хузаин» лугьуз чпин тIвар, 
Гъиле - аса, хъуьчIуьк - дафтар;
Девлетлуяр хьана картар, 
Кесибар пехъер хьанай кьван.

Гьар са хаин, крчар еке, 
Вичин гъиле кьадай уьлкве, 
Фекъир фяледиз са тике 
Недай фу зегьер хьанай кьван.

Я хьанач алукIиз либас - 
Девлетлуйри эцигна пац, 
Буржуази хьанай кьван кац, 
Батракар кьифер хьанай кьван.

Фагьумна са фикир чIугу, 
Гьихьтин крар хьанатI(а) аку:
Гьар са хаин хьана талгу, 
Кесибар лифер хъанай кьван.

Шумудни сад суддин кавха 
Кесибариз хьанай агъа;
КIаник вичин балкIан юргъа, 
Гьамиша кефер хьанай кьван.

Сулейман, икI хьайи вахтда 
Гъафилбур вуна уяхда. 
Гьукуматди кутур багъда 
Тач - таза бегьер хьана кьван.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.