Тадайд туш

«Дуст я» лугьуз чIулав гъуьлягъ 
Хуьз чна кьулак тадайд туш, 
Рум гана акъуд ам кIваляй, -  
Чна а кулак тадайд туш.

Гьукуматдин кефи хадай, 
Нубатсуз гафар рахадай, 
ЧIуру таблигъат тухудай, 
Чна са дурак тадайд туш.

ХьайитIан кесиб итимар 
Куьгьне залумарин тумар, - 
Чеб акьулсуз ахьтин ламар 
Чна чи кьурак тадайд туш.

Я лам тийижир, я балкIан, 
Чи гьукумат вичиз такIан, 
Кесиб ятIан, чеб хулиган, 
Юлдаш яз батрак тадайд туш.

Балшавиквилиз мунасиб 
Авун я чид гьакьван тагьсиб. 
Дуьньядаллай гьич са кесиб 
Залумдин сарак тадайд туш.

Ленин юлдашд авур бине, 
Авуна чи кьилер вине. 
Чна чи кIарасдин къене 
Недай ахьтин квак тадайд туш.

Эй, Сулеймаи, на рехъ къала, 
Чир хьуй вичиз гудай бала. 
Яру цуьквер авай сала 
ТIиш хуькуьрдай вак тадайд туш!

I934

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.