Перейти к основному содержанию

Дуст я лугьуз, куьгьне душман

Дуст я лугьуз, куьгьне душман 
Кьамир, ви рикI шад жедайд туш. 
Эхир сад къуз жед вун пашман, -  
Адакай ваз дад жедайд туш.

Ви акьул ваз акваз гзаф, 
Кьабулзавач вуна зи гаф. 
Куьгьне душмандиз мир инсаф - 
Адахъ дуьз ният жедайд туш.

Адахъ галаз рекье звериз, 
Вегьемир жув а кIевериз, 
Яб гумир адан гафариз, - 
Адан рикI вав сад жедайд туш.

Ви гъиле серф гьатай бере 
Лаш эцягъа адан хире. 
Пуд виш йисан ктIай вире 
Хъвадай ширин яд жедайд туш.

Ацукьмир кулакдин къвалахъ, 
Вун агъамир адан чIалахъ;
Я юлдаш жемир, я уртах -  
Адахъ туькIвей гад жедайд туш.

Сулейман, вахъ ава чирвал, 
Лугьуда на кардин тирвал. 
ХатI авачиз икI шаирвал 
Гзаф - гзаф мад жедайд туш.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.