Гьар намерддив жеда гьилле

Тушир бала винел гъалиб - 
Хьунухьлай мад жафавайд туш! 
Иеси кьин тавур айиб 
Чухва, кIурт хьиз юрфавайд туш.

Вич залайни фейи ятаб, 
Сив кьакьур, гаф я вири таб 
Са межлисдан тийиз жаваб - 
Вичихъ дугъри гаф авайд туш.

Намерддин пеше я табун, 
Вичиз вавай затI тIалабун. 
Гафаралди лап ви руфун 
Тухарда, - заз сафавайд туш!

Гьар намерддив жеда гьилле, 
Къаст я ваз къурмишиз желе 
Вуна ви серф гумир гъиле, 
ТукIвада, инсаф авайд туш

Гафар хъсан, амал бедрягь, 
Сивевай гаф «валлагь - биллагь!» 
Акун къене зурба жерягь, 
Гьич гъиликай шифа (а)вайд туш.

Инсанар сайяра бязи 
Шикил - инсан, къилих - тази, 
Гьелбет, адаз и урузи 
Хьунухь вичин кIуфавай туш.

Мез ширин яз, гъилни - кьери, 
Гафар - гзаф, акьул - кьери. 
Вич тушиз, вичелай гъейри 
Гьич масадаз вафавайд туш.

Гьар гафуниз гьар са ери 
Аваз, лагьайбур я вири. 
Сулейманан гафар, дугъри, 
Садни гьич хилаф авайд туш!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.