Перейти к основному содержанию

Гьайиф Орджоникидзе

Агакьна чахъ вун кьиникьин 
Хажалат, Орджоникидзе, 
Чир хьана чаз гила якъин 
Агьвалат, Орджоникидзе.

Вич асландиз авай къияс, 
Душмандин рикI атIай алмас, 
Хуш къилихар авай тир кас 
ТIебиат, Орджоникидзе.

РикIиз такIан туькьуьл телер, 
Баян авур хьайи гьалер. 
Пашман хьана вири эллер, 
Чи ватан, Орджоникидзе.

Жедалди ашкара тикрар 
А Московдай хьайи хабар, 
ЧкIана лап чи фикирар 
Гьар бабат, Орджоникидзе.

Чир хьанамаз чаз ашкара, 
Кьуна чна тупIар сара:
Авайди тир юлдаш пара 
Шужаат, Орджоникидзе.

Санайидин крар гьяркьуьз, 
Фабрик, завуд авур чIехиз, 
Кеси6 юлдашар эркин хуьз 
Тир ният, Орджоникидзе.

Къазанмишай крар еке, 
Абад авур и чи уьлкве, 
Авайд хьанач вичин рикIе 
Хиянат, Орджоникидзе.

Вун акъатна чи арайрай, 
Ви гьунарни чпиз пайрай, 
Ви гьунарни чпиз пайрай, 
Башарат, Орджоникидзе.

СтIал Сулейман рахана, 
Дуьньядикай кефи хана 
На багъишай гьа затI хвена 
Ви савкьват, Орджоникидзе.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.