Перейти к основному содержанию

Айрупалан

Юлдашар, и айрупалан 
Аватун кар чир хьана чаз, 
Жезамай кьван пара залан 
ТакIан кар къарши хьана чаз

Чи юлдашар - диши, эркек 
Чилел лукьна хьана гьелек. 
Ван хьайила недай хуьрек 
3егьер хьиз ажи хьана чаз.

Ван хьайила и aгьвaлaт, 
Фикир хьана зал гьавалат, 
Йифди, югъди гьакI хажалат 
Лап мукьвал къунши хьана чаз.

Юлдашарин а ден-отдух 
ЧIуруд хьана къалабулух 
ЧIугвадай кьван гьабрун язух, 
Дуьнья лап мичIи хьана чаз.

Ван хьанамаз анин гьалар 
Квахьна михьиз гафар, чIалар, 
Гьайиф къвез кьейи аялар, 
Кьилер лад гижи хьана чин.

Экуь къаркай хьана йифер, 
ЧIур хьана михьиз чи кефер 
Чаз ширин яз атай сефер 
РикIиз лап турши хьана чин

Ван хьайила кардин тирвал, 
Михьиз квахьнай зи и чирвал 
Эхир кьиляй зи шаирвал 
Гьам вич арзачи хьана заз.

Ацукьнавай зун бейхабар, 
Хьана кьван чаз лап пис хабар 
СтIал Сулейманан япар 
Ван тежер биши хьана заз.

Ахьтин айрупаланар шумуд 
Хъхьуниз чи ава умуд. 
Гьабур расдай гужлу завуд 
Рас хъийиз буржи хьана чин.

КукIвар хьантIан а имарат, 
Яваш жез туш гьич чи къуват 
Гьукуматдин гьар са алат 
Яваш жеч, хци хьана чин.

ХьанатIан чаз гьахьтин дуьшуьш, 
Сулейман, на мийир тешвиш, 
Гьахьтин нече шумуд са виш 
ТуькIуьрдай уьлчуь ава чин.

1935

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.