Перейти к основному содержанию

Кьве хтул кьейила

Бес я, эй бейвафа дуьнья, 
Вун заз даралмиш хьана хьи. 
Са кIус на заз инсаф ая, 
Зи рикI къаралмиш хьана хьи.

Имни инсаф жедан мегер? 
Тунач на зи вилин эквер, 
Зи бахчадин яру цуьквер 
Кьве - кьвед саралмиш хьана хьи.

Агъудилай ихьтин бетер, 
Мегер жедан ихьтин дердер? 
Зи фекъир аялрин туьтер 
Зи вилик бамиш хьана хьи.

Са гъил чиле, са гъил цава, -  
Хьанач а дердиниз дава. 
Зи виликан шад тир гьава 
Пашмандиз дегиш хьана хьи.

Вилиз таквар ахьтин пис хер, 
Кана на зи чIулав лекьер! 
Заз къекъведай дуьзен рекьер 
Лап эниш, юхуш хьана хьи.

Мегер жедан ихьтин тIурфан? 
Дад къвезамач заз факай фан. 
Гьар къуз садаз къачуз кафан, 
Заз алиш-вериш хьана хьи.

Къан садра къвез гъенел эллер, 
Цавуз кьуна чпин гъилер, 
Виликан хъуьредай вилер, 
Куьн шехьиз вердиш хьана хьи.

Йифди - югъди и хажалат 
Хьанва хьи зал лап гьавалат.
Мирзе - Керимни Умгьанат 
Чакай уьркуьтмиш хьана хьи.

Фагьумнамаз крар бязи, 
Чара авач - я зун рази. 
Сулейманаз и урузи 
Зегьер наргимиш хьана хьи.

I929

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.