Перейти к основному содержанию

Пара рикiиз къайи югъ я

Юлдашар, чи Ленин буба  - 
Къенинди гьам кьейи югъ я. 
Чаз фикирар гайи зурба, 
Пара рикIиз къайи югъ я.

Зарб хкатай чи кIвачикай, 
Гъил хкуд тийиз хъуьчIуькай. 
И дуьньяди лап вичикай 
Кесибрин кеф хайи югъ я.

Эзберзамаз юлдашдин тIвар, 
Ачух дуьнья чаз жеда дар. 
Жезамай кьван хажалатар 
Пара артух гайи югъ я.

Чи тараллай са яру цуьк 
Аватна, гьам хьана эксик. 
Фяле юлдашарин шерик - 
Дуьньядлай гьам фейи югъ я.

Галукьзамаз а чIуру гар, 
Дегиш хьана лап чи рангар. 
Чаз экв гудай зурба ракIар 
Къенинди гьам кIеви югъ я.

Сулейман, ви веревирдер, 
Дуьз лугьун я вид и бейтер. 
Куьгьне хьанвай и чи дердер, 
Гьабур мадни цIийи югъ я.

I924

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.