Мубарак я, цIийи тIвар

Залов Бунят

Азербайжан Республикадин Президентдин серенжемдалди уьлкведин илим вилик тухунин карда агалкьунриз килигна чи ватанэгьли Залов Бунят Залан хциз Азербайжан Республикадин "Лайихлу муаллим" тIвар ганва.
Бунят Залов 1937-йисуз КцIар райондин Чпиррин хуьре дидедиз хьана. Адан буба-виликан СССР-дин "Лайихлу муаллим" тIварциз лайих акунвай Зал Залов чи райондин хуьрера 45 йисуз муаллим, мектебдин директор кIвалахна жегьилрин чирвилер къачуник, абур хъсан пешекарар хьиз арадал акъатуник зурба пай кутур кас тир. 
Бунят Залова Яргунрин юкьван мектеб акьалтIарна, Бакуда Техналогия Техникумда, Политехник Институтда чирвилер къачуна.
Сифте Бакудин мектебра муаллимвал авур Бунят Залова гуьгъуьнай Али Байрамлыда фабрикда чара-чара везифейрал кIвалахна. 1964-йисалай вичи сифте чирвилер къачур техникумдиз муаллим хьиз хтай ада гьакIни "Футурология" чирвилерин комплексда, Москвадин Сосиологиядин Университетдин Бакудин филиалда, Кьилди Азербайжан Университетда кьилин муаллимвал авуна.
Бунят муаллимдин зегьметдиз гьар са девирда чIехи къимет ганва. Гьеле 1970-йисуз ам СССР-дин "Зегьметдиз килигна" медалдиз лайих акунай. Техникумар патал 8 предметдин программайрин, гьакIни кьве тарсунин ктабдин автор тир Бунят Залова 20 йисуз чи республикада техникумар патал муаллимрин Атестасиядин комиссиядиз седрвална.
Кьакьан чирвилерив, мили кьилихрив, гьакъисагъ кIвалахдив чIехи гьуьрметдин иеси хьанвай чи ватанэгьли чна рикIин сидкьидай тебрикзава, вичихъ мадни чIехи агалкьунар хьун мурадзава.

"Кцlар" газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.