Хайи ватан

Ава даим вун рикIе,
Дуьньядал са бинедив
Гекъиг тежер зи диге,- 
Хайи ватан кьибледин. 

ГьикI жедач кьван рикIе зи,
Чи иер КцIар шегьер! 
Тирвиляй ам пак, михьи, 
Женнетдиз ухшар тегьер!

Карагиз мублагь чилер
Чи хуьрерин, убайрин...
Хвена, агакьрай, викIегь,
Несил патал, бубайри.

Ава даим зи рикIе,
Шагьдагъ, Муьшкуьр, Аранни...
Сагъламвилин квай миже,
Гьуьлуьн шегьер Набранни.

Авайвиляй вун рикIе,
Буржи я зи виждандин,
Йиса садра жез рекье,
Хквезва зун мугьмандиз.

Са тIал хьиз яз рикIе
Кьулан вацIув гвай ара...
Часпардикай туш кичIе,
Гьиссдай туш за жув ччара!

Гуьрчег чил кефер пата,
Дегь девиррин бинедин. 
Вун вилаят къадим са,
Хайи ватан кьибледин!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.