Фейи рекьер

Агьил хьанва уьмурдин яш,
Пудкъад йисан девир акур.
Майил гузва - гъиле яхъ лаш,
Гьеле зун туш кьуьзуь, какур!

Агьил хьанва уьмуьрдин яш,
Девир акур писни хъсан.
Зи жегьил чIав тир хьи "саваш" -
Тахьун патал жувак нукьсан.

Агьил хьанва уьмуьрдин яш,
Карагзава фейи рекьер.
Акурвиляй тухвални каш,
Акатзава зак хъелни хъвер.

Агьил хьанва уьмуьрдин яш,
КIан хьанай заз, алахъна икI,
Уьмуьр ийин тIимил фараш,
Татугайвал агатнай гьикI?

Агьил хьанва уьмьрдин яш,
Авуна за гьуьрмет, хатур.
АтIугънач чин, хъиле хьанач,
Четинвилиз гуз тунач кIур.

Агьил хьанва уьмуьрдин яш,
Девир акваз, акваз дуван…
Жегьилриз чи: « жемир чаш-баш,
Кьакьан ая уьмуьр жуван!»

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.