SOS

ИкI фейитIа, стхаяр, 
ИкI хвейитIа, стхаяр-
Квахьна фида  лезги чIал                                     
ЦIрада чи лезги чIал:
Латин чIал хьиз, шумер хьиз.
ЦIай галукьай шемер хьиз.

Кьуд агъзур йис тарих яз, 
Вичин диде хуррит яз,
КьвевацIундай14 хтана.                               
Къафкъаз ватан кьатIана.
Гуьгъуьнин тIвар –лекь-албан,
Уьмуьр гьализ тир кIубан…
Сад лагьана Кеф патай,
ЦIиргъи-цIиргъер Леф патай
Атай чIагъар алтIушна
Кьуьл гана чаз, гьакI тIушна.
КIуфни ягъна, кекни кваз,
Гъана чи чIал къенин къал,
Гъана чи чIал рекьид къал.

Чаз кхьинар, кIалубар,
МикIитисар, улубар
Гзаф хьанай са чIавуз,
Гила килиг буш цавуз…

Дидед чIалал кIвалахдай,
Тарих чириз алакьдай,
Кьегьал ксар тIимил я,
Авайбурни сефил я..

ЧIехи тарих авай халкь
Гьелегь-мелегь рекьидач!
Нагагь сагьиб тахьайтIа
Адан гелни жагъидач!
Къе гьар са кас-са аскер
Хьана кIанда женгина.
Дидедин чIал хуьн патал,
Кана кIанда цIай кьуна!

2008

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.