Кчанар

(Макьамар Фаик Къардашован)
Гъуцар суван ценера,
Сур тарихдин гелера,
Пакамандин рекьера,

Ви ава тIвар-Кчанар,        
Винева тIвар- Кчанар.

«Гухарикай» экечIа,
«Чеб тIулаз» вун эвичIа,
«Яргъи кикез» экъечIа.

Акурай ваз Кчанар,
Зи рагъ- зи варз-Кчанар.

Вакай са хуьр Куьреда,
Вакай са хуьр КIеледа,
Са хел ГьерцIегь дереда,

Тарихдин сир –Кчанар,
ВикIегь сихил-Кчанар.

Шагьнабатдин сел я вун,
Шарвилидин гел я вун,
Мерд ксарин эл я вун,

РикIиз масан –Кчанар,
Хайи Ватан-Кчанар.
    
1992