Каспи гьуьлуьн къерехда

Гатун юкъуз Каспи гьуьлуьн къерехда
Са таватди килигнай заз наз галаз,
Ак1 хьанай заз адан ялов за эхда,
Чидачир хьи, амукьда зун рик1 ц1раз!

Ингье, йикъар алатна зул атана,
А гуьзелдин вилер рик1е ц1ай хьана,
Зун хабарсуз гьуьлуьн кьерез хтана,
Я чан аллагь, зун Межнундиз тай хьана.

Сад лагьана хъипи хьана лепеяр,
Гьуьлуьн ятар къизил нурдив  ац1ана!
Лап яргъарай хъуьтях хьайла "тепеяр"
Килигзавай а таватди дат1ана!

Яраб, и кар зулу гузвай дамах ян,
Чандин къене перишанвал ац1анвай?
Тахьайт1а хьи, зи ашкъидиз даях ян,
Зулун къизил рангарилай атанвай?;

Яд атана к1вачерив кьван, хъфена,
Са хъипи пеш амукьна тек къумадал,
Зулун пешни а гуьзел хьиз хъуьрена,
Туьхъурна "ц1ай" амукьна зун "гумадал".

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.