Негь авуна дидедин ч1ал гьарам бахтар к1ан жемир ваз!
Нефес аяз, рик1 къайи яз т1арам вахтар к1ан жемир ваз!
Ц1ару цуьквер яру акваз, буьркьуь хьана диге такваз,
Ният какур ашнайривай ашкъидин чар к1ан жемир ваз!
Ц1ар-ц1ар гуда гьар майвади чарад багъда килигдамаз,
Жуван хурма ч1уруз акваз шейт1андин кар к1ан жемир ваз!
Кефер ч1угваз гъариб чилел, наз-няметар кьуна гъилел
Хайи чуьлдин цуьквед атир галай шагьвар к1ан жемир ваз!
Эй Шагьмардан, ч1арар рехи ийизва хьи заманади,
Динни иман авуна зай зулуз гатфар к1ан жемир ваз!
Рубрика
Добавить комментарий