Шаир Келентераз

Эй Келентер, рик1 зунжурдив кт1ун жедач,
Эцигайт1ан агъзур туба хенжер кьуна.
Вилик финиз пехъи гарар, чайгъун чидач,
Женг тухуда пак мурадри сенгер кьуна!

Кесиб аял, кесиб жегьил, кесиб шаир...
Алахънат1ан вун агъузриз  шумуд кафир,
Къуват хьана ви кьат1унриз дагъдин атир,
Уьмуьр гьална лезги намус регьбер кьуна!

Ц1ар ягъана Силибирдин чуьллерилай,
Ст1ур шаир Келентеран эллерилай,
Хведа зун Кузун патахъ гуьнейрилай,
Ви гьар са ц1ар рик1ин къене гевгьер кьуна!

Халкьди, шаир, ч1ехивилел дамахзава,
Ви булахрай шиир, мани авахьзава,
Шагьмарданан  хиялар къе какахьзава,
Чандин къене и дуьнядин дердер кьуна?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.