Хайи ч1ал

Ц1айлапанар кьакьан синел ргадайла
Къванцин къеняй ванер къведа хайи ч1алан!
Марфад ст1ал нвакьад винел ц1радайла
Чилин къеняй ванер къведа хайи ч1алан!

Зи к1вачерал хайи хуьруьн руг алаз хьуй,
К1валин ч1ере чубарукдин муг алаз хьуй,
Чуьлда ч1урар экуьн кьиляй чиг алаз хьуй,
Гьар легьзедай эквер къведа хайи ч1алан!

Хъуьредамаз кьеп1ин къеняй милиз хтул,
Чк1идамаз женнетдин нур  к1вализ бул-бул,
Элкъведа са рик1из кани гатфариз зул
Дуьняд винел "мехъер" жеда хайи ч1алан!

Захъ бубайрин т1ул кумайкьван хъсан я зун,
Алупандин нур амайкьван инсан я зун,
Ч1уру цуькиз пун квахьайт1а гьайван я зун
Виш йисарай эвер къведа хайи ч1алан!

Жуван ч1алал рахадайла хъсан я зун,
Тек аллагьди ч1ал пай ганвай инсан я зун,
Квадарайт1а дидедин ч1ал, гьайван я зун,
Рик1ин къенез дердер къведа хайи ч1алан!

Комментарии

Гьуьрметлу Шагьмарда, чи к1елзавайбур 7, 8, 10, 11, гьижайрин шиирар к1елиз вердиш я, азербажан шииратда гьа куьне кхьизвай жуьре - 12 гьижадин 4+4+4=12 гьижадин эсерарни ава жеди, ам автордин ихтияр я, амма Аллагь - т1вар я, ам ч1ехи гьарфунал кхьин буржи я эхир. Шиирдидай адан метлеб заз бегенмиш хьана. И темадай кхьей шиирар санал к1ват1айт1а, Ожегован словардилай яц1у жеда. Квехъ агалкьунар хьана к1анзавай шаир Сажидин.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.