Яр ахварай аватна

Зи мет1ерал кьил эцигна ксанвай
Рик1из масан яр ахварай аватна.
Секин тушиз к1анивилин ц1у канвай
Чандиз дарман гар ахварай аватна.

Гатфар я къе, зи уьмуьрда гатфар я,
Пак мурадри цуьк авунвай вахтар я,
Зи гьалдикай къушаризни хабар я,
Къизилгуьлдин тар ахварай аватна.

Кхьиз канда ашкъидикай шиирар,
Къакъуднава ярди фагьум, фикирар,
Илгьам-пери к1анивили ифиррай,
Зи къелемни чар ахварай аватна.

Зи мет1елай цавуз эквер чк1изва,
Къацу чуьлдиз иер цуьквер чк1изва,
Нур акъатна цава цифер чк1изва,
Ярдин чинал зар ахварай аватна.

Чун дак1анбур и дуьняда ават1а,
Ч1уру кьаст1ар чиркин чанда амат1а,
Пехилбуруз чи цаварин а пата
Эй Шагьмардан, хар ахварай аватна.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.