Вучда закай инсан хьана

Хайи ч1ал заз дак1ан хьайла
Вучда закай инсан хьана?
Чара уьлке ватан хьайла
Вучда закай инсан хьана?

Рик1е дигед т1ал тахьайла,
Мецел дидед ч1ал тахьайла,
Абур-гьая зал тахьайла
Вучда закай инсан хьана?

Нуьк1веризни дидедин ч1ал
"Цив-цив" ийиз ава гьалал.
Ч1ал квахьайди жеда гьамбал
Вучда закай инсан хьана?

Пехъерикай лацу лифер,
Сверк1верикай къизилгуьлер,
Кафейрикай хьайла кимер
Вучда закай инсан хьана?

Хва гьинват1а, руш гьинват1а
Течиз гьарам фу незват1а,
Йифни югъни сад жезват1а
Вучда закай инсан хьана?

Бубадин юрд - пехъерин муг,
Чарадан кьурт - мехъерин муг,
К1вал-югъ хьайла сик1ерин муг
Вучда закай инсан хьана?

Чина Шагьдин гар такьурла,
И накьвадин бар такурла,
Ярдин вилин зар такурла
Вучда закай инсан хьана?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.