САИРАДИЗ
Ви ц1арари чанда ц1аяр куьк1уьрда,
Ви ц1арари ванда,къаяр чук1урда,
Ви ц1арари тандал цацар шуьткьуьрда,
Ви ц1арари ярдал зарар алк1урда.
Ви гъвеч1и рик1 шиир, мани ац1анвай
Хайи чилин ашкъидивди ргазва,
Ви гъвеч1и рик1 уьмуьрд мана кьат1анвай
Шийриййатдин хезинада чразва!
Ви шиирри лув гузава цавариз
Зулун юкъуз чубарикдин мани хьиз,
Атир галаз ругь гузава тамариз
Берекат гваз ц1ийи гатфар хтай хьиз
Зулун юкъуз дурнайрин куьч хъфида
Тухун патал ви лирлияр яргъариз,
Сефил рик1ер ви манийрал ифида
Уьмуьд пайиз гележекдин йикъариз!
Рубрика
Добавить комментарий