Кьилел лацу ипек бишме алай руш
Акъвазнава дагъдин синел перишан.
Килигунрихъ пак миливал галай руш,
Вуч хьанва ваз и дуьняда гуьлуьшан?
Акунач заз иер тават валай, руш,
Вун пери ян, вун гьуьруь ян, мелек ян?
Ви "экв"вери гъил къачузвач залай, руш,
Заз зулум гун, иерди, ваз герек ян?
Шагьварди хьиз чуьл-арандай къакъудна
Зи хиялар дагъдин синел ялай руш,
Язух я зи, зун ц1ай хьана алугда,
Ша акъудмир зун зи авай ч1алай, руш.
Дидедизни лап рик1ивай хьанвай хуш
Сув кьакьанрай аран патаз татай руш.
Зи канивал мад йигар я, къанвай туш,
Кьилел лацу ипек бишме алай руш.
Рубрика
Добавить комментарий