Самур

Лезги чилин гардандавай
Хтар Самур!
Кас гьуьлуьн, ви гьижрандавай,
Рик1, яр Самур!

Гъариб чилел алайбурун,
Чаз мугьмандиз атайбурун,
Рик1ик ашкъи галайбурун
Ахвар Самур!

Хайи ватан рик1е аваз,
Мецел даим диге алаз,
Зи манидин вун я аваз,
Гьар ц1ар Самур!

Какьанрилай Муьшкуьр тамуз
Зи халкьдикай Касдин камуз
Гъваш ятари мани  лугьуз
Хабар Самур!

Вун гьар акун хуш я рик1из,
Вун такурла буш я рик1из,
Ви мелгьем яд нуш я рик1из,
Марвар Самур!

Чи гад, чи кьуьд вун я Самур!
Халкъдин уьмид вун я Самур!
Рекьер экуьд вун я Самур!
Шагьвар Самур,
Хуш гар Самур!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.