Лезги ч1ал

Ц1айлапанди ц1елхемдикай куькуьрна,
Йиргазавай ивидик квай лезги ч1ал.
Яргъируша рангарикай туьк1уьрна,
Зи кьисметдиз Аллагьдин пай лезги  ч1ал.

Вун зал алай абурни я сабурни,
Гьар экуьнахъ Каспидаллай зар нурни,
Вун Шагьнабат, вун кьулан вац1 Самурни,
Туьхъуьн тийир зи чандин ц1ай лезги ч1ал.

Кьакьан Къафдин тепейрикай хкатна
Генг Кас гьуьлуьн лепейрик вун какахьна,
Вун гьар цуькуьк хуш атир яз акатна
Чи чилериз нахиш гузвай лезги ч1ал.

Диге чилин сифтегьан гъвар вун я, вун,
Чи дидейрин лайладин т1вар вун я, вун,
Зи шиирдин "кьел галай" ц1ар вун я, вун,
Пак ник1един атир галай лезги ч1ал.

Ви гьар са ван зи япариз масан я,
Ви гьар са ван рик1ин къене зи чан я,
Ви гьар са ван хайи ватан Алпан я,
Шарвилидин къуват галай лезги ч1ал.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.