Куьзуьвал хуп1 иер тушни

Ашкъ,муьгьуьббат хьайла рик1ел, кьуьзуьвал хуп1 иер тушни?!
Хтул, штул хьайла мет1ел, кьуьзуьвал хуп1 иер тушни?!

Кьисмет тахьуй са касдизни "рехи" ч1авуз гъариб уьлкве,
К1вачер хайи хьайла чилел, кьуьзуьвал хуп1 иер тушни?!

Кьиле акьул, камал авай чи жегьилрив дамах ийиз
Нянихъ хуьруьн хьайла кимел, кьуьзуьвал хуп1 иер тушни?!

Гьалалвили абур гъида, иер жеда гьар са инсан -
Вирт1един хъвер хьайла сивел,  кьуьзуьвал хуп1 иер тушни?!

Хайи ч1алал шад лирлияр лугьузва чи свас - рушари -
Лайлайрин ван хьайла мецел,  кьуьзуьвал хуп1 иер тушни?!

Халкьар вири сад хьун герек, са-садазни ийин куьмек,
Сад хьиз кьимет хьайла винел,  кьуьзуьвал хуп1 иер тушни?!

Эй Шагьмардан, уьмуьр тар я, сад кьакьанди, сад ак1анди,
К1ани майва хьайла хилел, кьуьзуьвал хуп1 иер тушни?!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.