Перейти к основному содержанию

Георгий Лезгинцев

Георгий Лезгинцев

ЧIехи алим ва зари Лезгинцев Георгий Михайлович машгьур инкъилабчи Штулай тир Гьуьсейнов Мегьамедан (Михаил Лезгинцеван) чIехи хва я. Ам 1914-йисуз Москвада дидедиз хьана. Бажарагълу гадади 1937-йисуз агалкьунралди Ленинграддин дагъларин институт куьтягьна, гзаф йисара Сибирда къизилдин мяденра инженергеологвиле кIвалахна. Ахпа ада яргъал йисара Москвада СССР-дин "Гипрозолотоцветметпроект" институтдин директорвал авуна. Г.Лезгинцев геологиядин илимрин докторвилин, профессорвилин ва адмиралвилин дережайрив агакьна. Адан илимдин кIвалахри къецепатан уьлквейрани еке къимет ва машгьурвал къазанмишна.
Георгий Лезгинцев бажарагълу писателни тир, адан къелемдикай са шумуд роман: "Кефер пата", "Северцев инженер", "Чилин сирер чидайбур", "Дагъларай тир инсан" ва маса эсерар хкатнава. Абур РФ-дин гзаф халкьарин чIалариз таржума авунва.
Заридин эхиримжи роман "Дагъларай тир инсан" (ам авторди вичин бубадикай кхьенва) лезги чIалаз Ш.Юсуфова элкъуьрна ва кьилдин ктаб яз (1984) акъудна.
Г.Лезгинцева бубадин ватандихъ галаз алакъаяр хуьзвай. Ам са шумудра Дагъустандиз илифна: Штула, Кьурагьа, Ахцегьа, Къурушдал ва маса лезги хуьрера хьана.
Зари СССР-дин писателрин союздин член тир. Ам 1994-йисуз кечмиш хьана, Москвада кучукнава.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.