Зи гьиссерри

Вуч  себеб яз,къакъатнай чун азизди?
Вучиз зайиф хьанай жал ик1 гьиссер чи?
Дуьз рекьелай алатнай зун,азизди
Накъваривди ац1анай хьи вилер ви.

"К1андач заз вун!"-тикрарнай на хъилелди.
Гъалат1дилай гъил къачуз ваз к1ан хьанач.
Къазанмишай и кар жуван кьилелди,
Багъишламиш лугьур ваз гьич ван хьанач.

Ихьтин эхир жед лагьана кьат1анач,
Нетижада зи рик1ел пис хер хьана.
Яхц1ур йифиз зун,къатадиз ксанач
Амукьна зун яхц1ур юкъуз пер хьана.

Гьиссер вири кьунай хьи зи завалри
Ч1улав цифер акьалт хьана цаварал.
Жаваб гвачир т1уьна хьи зун суалри
Шиир хьана,амукьзавай чарарал.

А завалри вегьена зун зиндандиз
Агаж хьана са пип1е зун ацукьна.
Ахьтин гужар такурай гьич инсандиз!
Белки,ви агь,азизди,захъ галукьна?

Гъил къачу на,хьана жедир ахмакьвал,
Ви камалдин сергьятар заз чир хьана.
Мад хъижедач уьмуьрда захъ патахъвал
Вакай гила заз АЛЛАГЬдин п1ир хьана.

Къадир хьанач зи накъварин селлерин,
Гъавурда зун гьатнава къе,азизди.
Кьадар авач муьгьуьббатдин гьиссерин,
Авач гафар абур лугьур,азизди!

Чан,азизди,зинданд патав атана,
Яб це саздиз,кьве келима рахана.
<<К1ан я заз вун...>>-и кьве гаф заз лагьана,
Ц1ийи девран гьалин чна,азизди!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.