Зи илгьамдикай ваз...

Зи илгьамдин тарцел алай пешерал, 
К1анивилин дарман-миже илича. 
Акурт1а вун ацукьзаваз чилерал, 
Илгьамдикай ви к1аник жед халича. 

Элкендаваз физ хьайит1а вун эгер 
Рум гудай жед илгьамдикай лепеяр. 
Алудайт1а на рик1елай зун мегер, 
Ц1уьрда ада кьилел кьакьан тепеяр. 

Зи ашкъидин вилаятдиз азизди, 
Къвез хьайит1а,шииррикай жед лувар. 
Мугьман хьана амукьайт1а яргъалди 
Ийида вав ада ширин суьгьбетар. 

Зи пак илгьам мугьман хьан ви хиялриз, 
Эбеди яз мягькем тир муг ийида. 
Килиг гьа ваз к1ан жемир муг чук1уриз, 
Гьа мукал,зи чубарукар хквез-хъфида.