Ша,илифа вун Хуьрелдал!

Мегьамед Ибрагьимоваз

Пак суфрайрик няметар кваз,
П1узар хъуьрез ширин рахаз.
"Илгьамдин сегьер" ктаб гваз,
Ша,илифа вун Хуьрелдал!

Ваз и хуьре дуст ават1а,
Вун кьегьал пак лезги ят1а!
Вуна заз гьуьрметзават1а
Ша,илифа вун Хуьрелдал!


Цуьк акъатай багълар авай.
Цуьквер хьтин рушар авай,
Вич женнетдиз ухшар авай
Ша,илифа вун Хуьрелдал!

К1анзават1а ваз хайи эл,
Акъвазмир кьве рекьин сивел.
"Хуьрель"т1вар алаз ви мецел
Ша,илифа вун Хуьрелдал!

Зи Хуьрелар-женнет багъ я,
Пакам сегьер,пак са рагъ я,
Ам к1анибур даим сагъ я,
Ша,ша,илиф вун Хуьрелдал!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.