Венера

Теснифнава за и мани
Гафарикай зар алай,
К1ани  рушаз ч1угур рик1и,
Чуьнуьхай ахвар, кьарай.

Эзберзава адан т1вар за
Венера, Венера,
Цуькверихъ ам гекъигзава,
Иер я, иер я.

-Яраб ухшард ават1а тай?-
Хкаж жезва цаварал,
Элкъвез гъетрел а т1вар алай
К1анивилин луварал.

Эзберзава адан т1вар за
Венера, Венера,
Гъетерихъ ам гекъигзава,
Иер я, иер я.

Сагьиб я ам муьгьуьбатдин,
К1анибурун панагь я,
Белки кьисмет чи сад ийин
Бахтсуз тун зун гунагь я.

Эзберзава адан т1вар за
Венера, Венера,
Квехъ к1ант1ани гекъигайт1ан,
Иер я, иер я.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.