Вучиз тада тек к1ани руш

Хуьре ава гурлу демер,
Жегьилар я жуьтер-жуьтер,
Вун жагъуриз къекъвез вилер
Вучиз тада тек, к1ани руш?

Жаваб тагуз зи зенгериз,
Дарман тийиз зи дердериз,
Кьилди килигиз гъетериз,
Вучиз тада тек, к1ани руш?

Эзберзава шумудра за.
Гьазурнавай гафар хура,
Яб акализ, хъуьрез вацра,
Вучиз тада тек, к1ани руш?

Куьруьбур я йифер гатуз,
Хъфида чун гьарнихъ зулуз,
Экъеч1 тийиз санал ч1уруз,
Вучиз тада тек, к1ани руш?

Зи дердеркай хьанва мани, 
Чуьнгуьр гваз зун къвезва къарши,
Ачухиз ваз гьиссер хци,
Вучиз тада тек, к1ани руш?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.