Вучиз

Шаир хьунухь акьван зурба са кар туш,
Еке т1варц1из лайихлубур авазва,
Къвез-алатиз шумуд девир, инкар туш,
И дуьньяда вири тирвал амазма.

Вучиз, вучиз таб я къенин гьар са югъ,
Тарифариз кьилер хуьзва вирида?
Ханар гайи акъудиз вилер буйругъ,
Дегиш хьанвач, кьазма жаллат1 кирида.

"Сир хуьда за, муьзд къачузвайд лагь вуж я?"-
Намус маса гузва кьиле авайда.
-Етим Эмин, ви вахтарин гьа гуж я,
Кесибринбур гьа вай-зир я гьавайда.

-Куьре-Мелик,гьик1 жезва заз яшамиш
Хьайид я вахъ галаз къадим йисара,
Лугьун за ваз, акьван я хьи утанмиш,
Тирвиляй чун гьа сифте хьиз бейчара.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.