Агъалар Исмаилов

Икьван крар жеда лугьуз дуьньядал,
Ни фикирдай уьлкве бахтлу береда.
Гъана зи халкь акъвазарна къаядал,
ЧIулавна рикI килигдай кьван…

Цуьквед храй на къатадай чемендал,
Зул алукьна, акьалтнава семен ранг.
Бенд яз тамир а ви ифей теменрал.
Вун кьуьзуь жез гьайиф тушни, я…

Язух дуьнья, гьукум гьатай пачагьри
Ваз вучзава, карта вилик экIяна.
Квазни кьазвач яратмишай Аллагьни,
ХкатIзава, мукIратI кьуна кекяна.

Лугьуз тахьуй, аси хьанва Агъалар,
Кьуьзуь кьиляй ви рикIелай алатна.
Гьикьван кIеве хвенай за и суалар,
Эхир абрун ван винелди акъатна.

Къекъведайла уьлкведа,
Авач заз са манийвал.
Хайи чилел, гъурбатда
Ял яда за кlанивал. Чубарук хьиз, лув гана,
Фейитlани яргъаз зун…