( МАНИ )
Къе Муграгъиз сувар гьахьна,
Деминалла звал.
Телевизор - сервиз гьахьна,
Абад я гьар кIвал.
Келемни як, бахча жезва
Жегьилдин гьекьер.
Уьмуьрдикай хунча жезва,
Ачух яз рекьер.
НикIери бул гузва бегьер,
Алим яз лежбер.
Садаз - мехъер,
Садаз йикьер,
ЧIуру я ви
Терез, дуьнья.
Сад я агъа,
Садни къаргъа,
Бахтар чIуруз
Ганва, дуьнья.
Девлетлу пад
Жезва абад.
Кесибд тахсир
Вуч я, дуьнья?
Сад пуларал,
Сад кьуларал
Къаткурзава
Вучиз, дуьнья?
Вишералди ава чIалар,
Гьардаз са чIал хъсан я хьи!
Дуньяд вири чIаларикай
Заз лезги чIал масан я хьи!
Заз чим гузвай, заз экв гузвай
Хайи чIалан заргар я зун.
Вун зи мецел аламай кьван
Гатун юкь хьиз азгар я зун.
