ТIагьиржалви Эмирали

Цуькведин дидардихъ гьесрет тир билбил
Шезва, гьинва гатфар, бар лугьуз-лугьуз.
Мансур хьиз зун акъатна тарагъаждиз,
Дуьнья куьз хьана заз дар лугьуз-лугьуз.

Мад цIийи хъижезва зи рикIин хирер,
Жуван хирериз за дарман жагъурда.
Есир яз гьатнава жаллатIдин гъиле,
За жув къутармишдай инсан жагъурда.

Къифле-къифле алатдайла кьилелай,
Ван чукIура Дагъустандиз, дурнаяр.
ТIалаб ава захъ ийидай къе квевай,
Яб це куьне заз, жавандиз, дурнаяр.