Хидирильяс Рамазанов

Эгер хъсан хьайитIа къунши,
Жув гьадалай жемир наши.
РикI ачух яз ятIа хвеши,
Гьадазни ваз хьиз хъсан я.

ТIвар кьаз эвериз гъенелай,
Вич ширин рахаз мецелай,
Хатурлубур гьич жеч квелай,
ГьакI юкъуз, йифиз хъсан я.

Къизил пурар яна лугьуз,
Лагь, ламракай шив жедани?
Са виш грамм хъвана лугьуз,
ИкI кьацIурдай сив жедани?

Са виш грамм хъвана эрекь,
Акъваз хъийич ийиз лекь-лекь.
Виридаз вич яз чида пехъ,
Зун лекь я лугьуз жедани?