Эминат Заирбегова

Чидач ятIа кьисмет вун зи,
РикIиз хьанва гьакьван чими.
Килигиз кIанз вилериз ви,
Яргъал къвазмир вун, кIаниди.

Гатфар я вун гуьлуьшан,
Ийимир зун перишан.
КIанда рикIиз гьамиша
Заз лезги руш, лезги руш.

Вучиз кана зи рикI вуна,
Ашкъидин са гъед хьиз туна,
Цавай мелек хьиз атана,
Вун акурла заз шад хьана.

Назпери я гуьзел жейран,
Вун акуна, зун я гьейран.
Ви еришдихъ авач нукьсан,
Дагъда хвейи хаму жейран.