Гьасан Хасиев

Яйлахда

И булах вуч хъсан серин я, ухвайш!
Гьамга яд вирт хьиз ширин я, ухвайш!
Килига дагълариз, кьакьан дагълариз,
Дерейриз гуьзета, дерин я, ухвайш!
 
Кьуд пад къунва алван-алван цуьквери,
Мел кутунва тик гуьнейра нуькIери.
Эгьей! Ша, сувар я, дагъларин сувар!

Ахьтин чка акунач

АкI хьанай заз жув накьанан аял хьиз,
Диде акваз акъатнай рикI, кьве вилни.
Йисар фенвай, амма ширин хиял хьиз,
Дагъдихъ галаз рехи хьанва зи кьилни.
 
Аладашдал зи зегьметдин гел ала,
Зи пелен гьекь, кIвачин жигъир, нефесни.
Аладашдал мехъер ала, мел ала,

Дагъвидин гаф

КIанивили зак са хесет кутуна,
Гьар пакамахъ рекье гьатда дагълариз.
Лап кьуьне зи гъилер - кIвачер кутIуна,
КIарна епер мадни катда дагълариз. 
 
Ваъ, Межнун хьиз дилини туш, есирни,
Чуьлда жедай вичеллачиз датIана.
За уьмуьрдин мана-метлеб ва сирни,