Дидедин мецелай

Гъейрат квачир гъулни кIандач, хвани заз,
Гъейрат квачир хва жедалди, къван хьурай.
Гъейратсуздан хьана кIандач ванни заз,
КIандатIа ам стха хьурай, чан хьурай.

Гъейрат квачир рушни кIандач, свасни заз,
Умуьр патал абур кьведни цIай жеда.
Ахьтинбурун чIугвадач гьич ясни за,
Абур гьатай хзандин пун зай жеда.

ИкI лугьудай дидеди зи гъейратдин
Чешне хьайи вичин хайи балайриз.
Яб гудайла адан дерин суьгьбетдиз.
Хиял фидай дагъ – арандиз, талайриз.

За кхьейбур зи дидедин гафар я,
Са чарчел ваъ, мефтIедални кхьенва.
Гьар са гаф заз са ктаб я, дафтар я,
А гафарив зи дамарар ифенва.

Лугьун патал рухвайриз и гафар за,
Эвер гузва зи рухвайрин дидедиз.
Ахъайзава жуван хурун дафтар за,
Тикрарзава и фикирар вядедиз.

Гъейрат квачир балайривай яргъаз зун,
ТIебиатди секинвилел акъудрай.
Гъейратсуз яз акуртIа зи папаз зун,
Хабар тушиз сад садавай къакъудрай.

И гафар за тикрарзава хзандиз,
Бинедаллаз зи дидедин суьгьбетдин.
Къвезва абур разивилел, мизандиз,
Гъавурдава хзан михьи зегьметдин

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.