Кьулан вацIук сел кумай кьван

Кьулан вацIук сел кумай кьван,
Хуьрерик дем-мел кумай кьван,
Руьгьдик милли кьел кумай кьван
Сагъ я лезги халкь.

Шагь дагъдин кьил тикзамай кьван,
Чи яйлахри цуькзамай кьван,
Чна чаз чан-рикIзамай кьван
Сагъ я лезги халкь.

Чи кьепIер гьич буш тамукьрай,
Диде тахьай руш тамукьрай,
Веледдихъ нахушд тамукьрай -
Сагъ я лезги халкь.

Куьре, Ахцегь, Къусар, Къуба,
Сагъ амай кьван лезги уба,
Лезги диде, лезги буба,
Сагъ я лезги халкь.

Лезги хуьре кIвал амай кьван,
РикIе халкьдин тIал амай кьван,
Чахъ чи дидед чIал амай кьван
Сагъ я лезги халкь.

1989

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.