Лезги цал

Фашистри акъудна къал 
Эцигайд тир Берлиндин цал. 
Китайвийри чпин ватан 
Къене тунай зурба цлан. 
Алпанвийри хвена Алпан 
Паруйривди мягькем кьакьан. 
Тахьай зат1ар девирра сур 
Керчек хьана къе чаз акур. 
Лагьана чаз: «Сад я халкьар!» –
Къелеяр чи хьана кук1вар. 
Вахтар, тарсар вай-зай хьана, 
Са лезги халкь кьве пай хьана. 
Арадани туна сергьят, 
Хиве кьуна: «Жеда регьят 
Эцигайла лезги сергьят, 
Экв аквадай гуьзгуь сергьят.» -
Ик1 лагьана, хьана ч1алахъ: 
Вири гафар хьана патахъ. 
Бес немсери чк1урна цал 
Сад хьайила кьве пай санал, 
Лезги миллет пай жедани?
Са рик1е кьве ц1ай жедани? 
Гагь фитне гваз, гагь гьилле, таб 
Лезги халкьдиз янава т1аб. 
Тушт1а эгер къе чун лук1вар, 
А зунжурар айин кук1вар. 
Агудин пак Алпандин чил, 
Хайи лезги ватандин чил!

1996

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.